Inkontru CNCS-TL Ho SEII, Buka Dalan Tulun Inan Feton Sira Ne’ebe Moris Ho HIV-SIDA

CNCS-TL News – Sekretariu Ezekutivu Comissão Nacional de Combate ao HIV-SIDA de Timor Leste (CNCS-TL), Rev. Daniel Marçal ho ekipa hasoru malu ho Sekretaria Estado Igualidade no Inklusaun (SEII), Maria José da F. M. De Jesus hodi diskute sobre koperasaun servisu iha futuru, liu liu oinsa bele tau matan diak liu ba ita nia inan feton sira ne’ebe agora dadaun sofre hela ho virus HIV.

“Inkontru ida ohin ho SEII, ami koalia oinsa atu buka dalan hamutuk hodi ajuda inan feton sira ne’ebe moras hela ho Virus HIV”, haktuir Rev. Daniel Marçal iha Salaun SEII – Obrigado Barak Caicoli, 29 Julho 2020

Nia dehan ita nia inan feton sira ne’ebe sofre hela ho HIV-SIDA presiza estadu tau matan no tulun sira tamba sira moris iha situasaun ne’ebe vuneravel tebes ho kondisaun moris ne’ebe la saudavel.

“Sira presiza duni estadu nia tulun atu sira bele hatutan sira nia moris ba oin, tamba sira mos iha direitu moris hanesan sidadaun ida iha rai ne’e”, katak Marçal

Sekretariu Ezekutivu ne’e esplika iha inan feton balun ne’ebe moris ho HIV-SIDA maibe faluk no iha oan ida no balun oan liu husi rua, situasaun ne’e halo sira moris sai vuneravel liu tan.

“Hau apresiza ho Sekretaria Estado nia disponivel no iha hanoin kapas tebes atu kopera ho CNCS-TL hodi tulun inan feton sira ne’ebe moris hela ho HIV-SIDA iha futuru”, haktuir Marçal ba media sira hafoin inkontru ho Sekretaria Estado Igualidade no Inklusaun (Media CNCS-TL)

 

 

 

0 Comments

Leave a Comment

Login

Welcome! Login in to your account

Remember me Lost your password?

Lost Password