MEJD Apoiu CNCS-TL Kontinua Sensibliza Informasaun HIV-SIDA Ba Estudante Sira

CNCS-TL News – Sekretariu Ezekutivu Comissão Nacional de Combate ao HIV-SIDA de Timor Leste (CNCS-TL), Rev. Daniel Marçal hasoru malu ho Vice Ministru Edukasaun Joventude no Desportu (MEJD), António Guterres diskute atu establese akordu ida (MoU) hodi kontinua fo apoiu ba servisu sensiblizasaun informasaun HIV-SIDA ba estudante sira iha eskola hotu iha teritoria nasional.

Inisiativa ida ne’e ho intensaun atu fortifika kordenasaun servisu CNCS-TL nian iha base, liu liu halo kordensaun ho eskola sira iha teritoria nasional kona ba sensiblisaun informasaun HIV-SIDA ba estudante sira.

“Durante ne’e servisu informalmente ami lao hela hodi fahe informasaun HIV-SIDA tama sai eskola, maibe diak liu fortika ho akordu ida hodi haforsa liu tan ami nia servisu iha base”, informa Rev. Daniel Marçal ba Vice MEJD ho ekipa tekniku sira iha salaun MEJD Vila Verde, foin lalais

Liu husi inkontru ofisial refere, Sekretariu Ezekutivu aliende informa kona ba establesimentu akordu ho MEJD hodi fortifika servisu CNCS-TL nian iha base, Nia mos husu ba Vice MEJD bele kalae atu integra informasaun HIV-SIDA ho materia edukasaun seksual iha kuriklu edukasaun nian.

“Asuntu seluk nebe ami koalia mak oinsa atu fo kapasitasaun ba ita nia mestri/a sira kona ba informasaun HIV-SIDA no mos edukasuan seksual, atu sira iha kuinhesimentu naton antes eduka ita nia oan sira”, dehan Marçal

Iha fatin hanesan Vice MEJD, Antonio Guterres apresia ho inisiativa husi Sekretariu Ezekutivu CNCS-TL ho ekipa no presiza duni atu haforsa servisu Komisaun nian iha futuru.

Governante ne’e dehan presiza duni iha akordu ida para MEJD ho CNCS-TL iha hanoin ida deit antes atu aselera servisu to’o iha eskola sira.

Nia dehan programa kombate HIV-SIDA presiza duni ita haforsa, liu liu fo prevensaun ba ita nia oan sira.

“Tanba ne’e hau involve mos tekniku sira iha inkontru ne’e atu aselera servisu tuir saida maka ita diskute iha ne’e”, katak Vice MEJD

Nia dehan rezultadu husi inkontru refere, sei apresenta ba Ministro MEJD hodi foti desizaun final tuir mai. (Media CNCS-TL)       

0 Comments

Leave a Comment

Login

Welcome! Login in to your account

Remember me Lost your password?

Lost Password