CNCS-TL Desemina Informasaun HIV-SIDA Ba Estudantes Instituto Superior Cristal

CNCS-TL News – Comissão Nacional de Combate ao HIV-SIDA de Timor Leste (CNCS-TL), ohin 27 de Fevereiro 2020, organiza tan seminariu sensiblizasaun durante loron balun hodi desemina informasaun HIV-SIDA no informasaun risku relevante sira ba estudantes Instituto Superior Cristal.

“Ohin ita hala’o deseminasaun informasaun HIV-SIDA iha instituto ne’e, tanba konsidera estudante  hanesan rin ba ba nasaun”, katak Sekretariu Ezekutivu CNCS-TL ba jornalista sira

Tuir Nia  informasaun HIV-SIDA presiza desemina antes ba estudante sira hodi bele halo prevensaun ba sira nia an, tanba problema HIV-SIDA fo tebes ameisa bo’ot ba desenvolvimentu rekursu humanu.

Sekretariu Ezekutivu ne’e salienta liu tan katak hanesan foinsa’e no jerasaun ba futuru nasaun nian buka atu aprende ba desenvolvimentu futuru ida-idak nian no presiza kontrola an husi hahalok risku sira hanesan relasuan seksual arbiru, droga no hahalok seluk ne’ebe lori ema atu monu iha HIV-SIDA.

Nia hatutan joven inklui estudante balun mak sobre ona ho HIV-SIDA tanba inklui an iha hahalok risku hirak ne’e.

Rev. Daniel Marçal haktuir mai partisipa iha programa sosializasaun sira hanesan ne’e hodi halo prevensaun maibe iha ema balun maske rona ona informasaun HIV-SIDA maibe ikus tenke sofre ho HIV-SIDA.

“Ita nia problema mak virus LARONA, lakoi rona ema seluk fo hanoin, lakoi rona inan aman ho mestri sira nia liafuan, tanba ne’e ikus tenke afeitadu ho virus HIV”, katak Marçal

Iha fatin hanesan Reitor Instituto Superior Cristal, Sebastião Pereira agradese ba inisiativa husi CNCS-TL tanba konsidera mos Instituto refere hanesan alvu ba deseminasaun informasaun HIV-SIDA kada tinan.

Nia konsidera programa deseminasaun refere inportante tebes tanba hanesan meus ida hodi bele halo prevensaun ba estudante sira husi tranamisaun virus HIV. (Media CNCS-TL)

0 Comments

Leave a Comment

Login

Welcome! Login in to your account

Remember me Lost your password?

Lost Password