Horta Sujere Kontinua Hala’o Kampanha Sosializasaun Informasaun HIV-SIDA Ba Publiku

CNCS-TL News – Laureadu Novel da Paz, Dr. Jose Ramos Horta sujere ba Sekretariadu Comissão Nacio­nal de Combate ao HIV-SIDA de Timor Leste (CNCS-TL) atu kontinua nafatin hala’o programa kampanha sosializasaun informasaun HIV-SIDA ba publiku.

Horta sujere assuntu ne’e bainhira Sekretariu Ezekutivu CNCS-TL, Rev. Daniel Marçal ho nia ekipa ba hala’o inkontru ofisial ida iha Nia sekretariadu Farol Dili, 7 de Outobru 2019 orseik.

“Hau konkorda ho kampanha sosializasaun informasaun HIV-SIDA”, dehan Esi Presidente da Republika ne’e

Nia dehan kampanha sosializasaun informasaun HIV-SIDA labele para, tanba ho informasaun maka ita bele eduka ita nia ema liu-liu ba foinsa’e sira.

“Se bele lori ho fotografia ema afeitadu ho HIV-SIDA sira, para ita nia audensia sira bele tauk ho HIV-SIDA”, katak Ramos Horta

Dr. Jose Ramos Horta hatutan estadu defisil atu halo kontrola ba atividade relasaun seksual livre iha Hotel no uma aluga sira inklui fatin publiku sira ne’ebe iha kontribuisaun mos ba transmisaun virus HIV, tanba ne’e diak liu maka halo sosializa informasaun no edukasaun hodi bele muda ema nia konsensia iha futuru.

Laureadu Novel da Paz ne’e prontu apoiu serbisu Komisaun nian iha futuru, liu liu iha parte halo kordenasaun serbisu ho orgaun soberanu sira.

Entretantu liu husi inkontru ofisial refere, Sekretariu Ezekutivu informa ba Dr. Jose Ramos Horta kona ba situasaun geral HIV-SIDA iha Timor Leste, no mos kona ba serbisu sira ne’ebe durante ne’e Sekretariadu CNCS-TL hala’o.

Marçal informa mos ba Laureadu Novel da Paz ne’e kona ba hahalok risku sira ne’ebe iha kontribuisaun ba transmisaun virus HIV iha Timor Leste.

Nia mos sujere ba Eis Presidente da Republika ne’e atu informa hela ba Ministeriu relevante sira hodi konsidera mos edukasaun seksual no informasaun HIV-SIDA iha kurikulu edukasaun nian. (Media CNCS-TL)

0 Comments

Leave a Comment

Login

Welcome! Login in to your account

Remember me Lost your password?

Lost Password