CNCS-TL – SSM Manatuto Sosializa Informasaun HIV-SIDA Ba Komunidade Laclubar

CNCS-TL News – Comissão Nacio­nal de Combate ao HIV-SIDA de Timor Leste (CNCS-TL) hamutuk ho Serbisu Saude Municipiu (SSM) Manatuto iha loron 3 Setembru 2019, so­sializa informasaun HIV-SIDA no impaktu husi uza droga ba ko­munidade Postu Adminis­trativu Laclubar – Municipiu Manatuto.

Seminariu sosializasaun ne’e ha­la’o iha Salaun Paroquia Laclubar, ho objektivu atu hasa’e kuinesimen­tu Autoridade lokal, komunidade, juventude no estudante sira kona ba HIV-SIDA  no mos perigu husi uza droga.

Sekretariu Adjunto Administrador Municipiu Manatuto, Agripino Saramento  konsidera atividade sosializasaun ne’e hanesan oportunidade ne’ebe diak ba komunidade hodi bele asesu mos ba infor­masaun HIV-SIDA no mos droga.

Hanesan Autoridade Munisipiu Manatuto, Nia hato’o agradese ba CNCS-TL tanba liu husi desiminasaun informasaun refere, Autoridade lokal sira mos bele iha ona kuinesimentu naton hodi hatutan ba komunidade sira seluk.

“Ita bele sai vitima ba transmisaun virus ne’e, kuandu ita la hatene informasaun klean”, katak Agripino ba Komunidade Laclubar

Iha fatin hanesan Sekretariu Ezekutivu CNCS-TL, Rev. Daniel Marçal agradese mos ba juventude no komunidade Laclubar ne’ebe iha inisiativa atu mai rona informasaun sobre HIV-SIDA no mos kona ba droga.

Komisariu ne’e dehan ema ne’ebe iha ona kuinesimentu diak, defisil atu hada’et virus HIV tanba hatene ona oinsa atu halo prevensaun.

“Rona didiak ba hodi halo prevensaun, tanba hau fiar ema hotu lakoi atu da’et virus ne’e” , katak Rev. Daniel Marçal

Komisariu ne’e husu presiza tebes kontribuisaun Autoridade lokal, inan aman no ema hotu-hotu hamutuk hodi mantein proteje komunidade no juventude sira  husi HIV.

Nia dehan buat hotu hotu depende ba ema nia kuinsimentu, kuandu kuinhese buat ne’ebe diak no halo buat ne’ebe los sei livre husi HIV, maibe lakoi buka hatene informasuan ne’ebe klean sei iha risku bo’ot ba HIV-SIDA.

Entretantu informasaun kona ba perigu husi uza droga hato’o direita husi Chefe Investigasaun Polisia Comando Municipiu Manatuto no mos prezensa CNCS-TL nian iha Postu Administrativu Laclubar desemina mos informasaun HIV-SIDA ba estudante husi eskola Ensino Basico Central Publiku Laclubar. (Media CNCS-TL)

0 Comments

Leave a Comment

Login

Welcome! Login in to your account

Remember me Lost your password?

Lost Password