CNCS-TL Fahe Informasaun HIV-SIDA BA Autoridade no Komunidade Gleno

CNCS-TL – Comissão Nasional Combate ao HIV-SIDA de Timor Leste (CNCS-TL), servisu hamutuk ho Servisu Saúde Munisipiu Ermera, Iha loron 2 fulan Abril 2019 foin lalais ne’e organiza tan seminariu sensiblizasaun hodi fahe informasaun HIV-SIDA no informasaun seluk ne’ebe hada’et husi relasaun seksual ba Autoridade Lokal, Komunidade no Juventude Gleno Munisipiu Ermera.

Ba partisipantes Sekretariu Ezekutivu CNCS-TL, Rev. Daniel Maçal hatete HIV-SIDA hanesan problema mundial ida ne’ebe kuaze mundu hotu infrenta inklui mos Timor Leste.

Maske HIV-SIDA afeita ona ba sidadaun Timor Leste kuaze nain 873, maibe Komisariu ne’e garante loron ida sei hapara kazu transmisaun virus HIV foun iha rai doben ida ne’e.

Nia hatutan problema HIV-SIDA bele hapara no fasil atu rezolve tanba transmisaun virus ne’e iha relasaun ho ema nia konsensia.

“HIV-SIDA bele da’et ba ita ema tanba ita rasik mak hakarak ba buka”, katak Sekretariu Ezekutivu ne’e

Oklista ne’e salienta tan katak la halo relasaun seksual arbiru, la halo tansfusaun ran arbiru no involve an iha hahalok risku sira, transmisaun HIV mos sei la hada’et ba ema arbiru.

Husi situasaun hirak ne’e, maka Sekretariu Ezekutivu dehan ema hotu iha ona konsensia, loron ruma HIV-SIDA bele kombate iha Timor Leste.

Iha fatin hanesan Presidente Autoridade Munisipiu Ermera, José Martinho dos Santos hatete problema HIV-SIDA mundu preokupa los tanba to’o ohin loron seidauk iha aimoruk hodi halo tratamentu final.

Nia parte husu ba komunidade no juventude Ermera atu kuidadu an ho transmisaun virus HIV, kuidadu ho hahalok risku sira ne’ebe bele hada’et HIV.

“Hau apoiu tebes ba Komisaun ida ne’e ho Ministeriu Saúde, atu kontinua servisu makas hodi luta kombate HIV-SIDA iha ita nia rain”, katak Presidente Munisipiu ne’e

Entretantu Diretór Servisu Saude Munisipiu Ermera, Graciano da Costa Crus hatete HIV-SIDA hada’et ona ba komunidade Ermera kauze nain 21.

Tamab ne’e Nia dehan ho sosializasaun refere bele ajuda fo kuinhesimentu ba komunidade Ermera kona ba perigu husi HIV-SIDA. (Media CNCS-TL)

0 Comments

Leave a Comment

Login

Welcome! Login in to your account

Remember me Lost your password?

Lost Password