CNCS-TL Sosializa Informasaun HIV-SIDA Ba Estudantes CRISTAL

CNCS-TL News – Comissão Nacional de Combate ao HIV-SIDA de Timor Leste (CNCS-TL), organiza kampanha sosializasaun hodi desemina informasaun HIV-SIDA no informasaun risku relevante sira seluk ba estudantes husi Ensinu Sekundariu CRISTAL.

Kampanha sosializasaun ne’e hala’o iha Salaun inkontru CRISTAL – Balide Dili, iha loron Sesta, 15 Fevereiru 2019.

Diretór Programasaun CNCS-TL, Venâncio Coelho bainhira representa Sekretariu Ezekutivu hodi diriji atividade sosializasaun refere husu ba estudante sira atu kuidadu no prevene an husi transmisaun virus HIV.

Diretór ne’e salienta liu tan katak hanesan estudante buka hatene no aprende mos ho informasaun HIV-SIDA, tamba ne’e importante tebtebes hodi bele prevene an husi virus ida ne’e.

Nia hatutan nu­dar estudante ten­ke iha visaun diak ba futuru, aprende lisaun sira nebe bele dezenvolve kapasidade in­telektual nian hodi kontribui ba prose­su desenvolvimen­tu Nasaun iha futuru.

Coelho hatutan estudante balun mak la konsege remata sira nia estudu iha nivel Sekundariu tamba isin rua sedu.

Tamba ne’e Nia husu ba estudante sira kuidadu involve an iha hahalok risku sira hanesan ransu livre no seksu livre para labele monu lalais ba isin rua sedu.

Iha fatin hanesan Diretór Ensinu Sekundariu CRISTAL, Rafael Savio hatete ho sosializasaun informasaun refere bele ajuda haklean liu tan kuinesimentu estudante sira nian kona ba informasaun HIV-SIDA.

Nia dehan rona sedu informa­saun kona ba HIV-SIDA, bele fo edukasaun diak hodi prevene hahalok sira nebe risku ba transmis­aun virus HIV.

Tamba ne’e Nia agradese ba inisiativa CNCS-TL nian nebe desemina ona informasaun HIV-SIDA ba estudante sira.

Entretantu marka mos prezensa iha kampanha sensiblizasaun ne’e representante husi Unidade Nasional Programa HIV-SIDA hodi koal­ia kona ba politika Ministeriu Saude nian iha programa HIV-SIDA. (Media CNCS-TL)

0 Comments

Leave a Comment

Login

Welcome! Login in to your account

Remember me Lost your password?

Lost Password