ES 4 de Setembro Ensera Programa Orientasaun Eskolar Ho Informasaun HIV-SIDA

CNCS-TN News – Eskola Ensino Secundaria Publiku 4 de Setembro ensera programa orientasaun eskolar ano lektivu 2019 ho informasaun ne’ebe relevante ho prevensaun transmisaun virus HIV.

Tamba fo tebes antensaun ba estudante sira nia saúde no futuru, iha parte seluk haree ba problema HIV-SIDA ne’ebe fo ameisa tebes ba ema nia vida no desenvolvimentu rekursu humanu nasaun ne’e nian, eskola ne’e konvida Komisaun Nasional Kombate HIV-SIDA hodi fahe informasaun relevante ho HIV-SIDA ba estudante koloeiru sira.

Sekretariu Ezekutivu Komisaun Nasional Kombate HIV-SIDA, Rev. Daniel Marçal liu husi nia palestra agradese ba inisitiva husi profesor sira nian ne’ebe fo mos atensaun ba estudante sira ho informasaun kona ba HIV-SIDA.

“Alin sira imi presiza tebes atu hatene informasaun basiku HIV-SIDA hodi halo prevensaun ba virus ne’e”, dehan Marçal orseik dia 9 Janeiru 2019 iha eskola 4 de Setembru  – Balide Dili

Sekretariu Ezekutivu ne’e salienta liu tan katak hanesan foinsa’e no jerasaun ba futuru nasaun nian buka atu aprende ba desenvolvimentu futuru ida idak nian no presiza kontrola an husi hahalok risku sira hanesan relasuan seksual arbiru, droga no hahalok seluk ne’ebe lori ema atu monu iha HIV-SIDA.

Nia hatutan joven barak mak sofre ona ho HIV-SIDA tamba inklui an iha hahalok risku hirak ne’e.

“Imi moe ka lae kuandu isin rua no kaben sedu ho idade ne’ebe sei kiik, sai aman ka inan sedu”, dehan Marçal ba estudante sira

Rev. Daniel Marçal hatete kasu soe oan ne’ebe as tebes ikus ikus ne’e tamba problema relasaun seksual livre, relasaun seksual ida ne’ebe joven sira halo seim iha planu.

Tamba ne’e Nia husu ba estudante sira bele namora maibe labele koko halo relasaun seksual sedu, tamba bele estraga estudante sira nia futuru.

Entretantu iha sosializasaun informasaun HIV-SIDA ne’ebe hala’o kuaze horas ida resin iha Eskola 4 de Setembro Balide, hetan tebes apresiasaun husi estudante kaloeiru sira.

Husi parte eskola nian agradese mos ba Sekretariu Ezekutivu tamba bele fahe ona informasaun HIV-SIDA ba foinsa’e sira atu hahu ona kuinhese no aprende. (Media CNCS-TL)

 

 

0 Comments

Leave a Comment

Login

Welcome! Login in to your account

Remember me Lost your password?

Lost Password