Kona ba CNCS-TL

Comissão Nacional de Combate Ao HIV/SIDA de Timor Leste (CNCS-TL) hari’i iha 2003 ho termu  referensia simples ida husi Governu anterior liu husi despaisu Eis Primeiru Ministru DR. Mari Alkatiri e hetan legaliza mos husi segundu Governu Konstituisional tuir despaisu no 05/ 2007/ IIGC/ VPM-MS no publika ona iha Jornal Republika iha loron 20 Setembru 2006, liu husi rezolusaun No. 4/2006.

CNCS-TL uluk hari’i ho naran Komisaun Nasional Luta Hasoru HIV-SIDA (KNLHS) no durante komisaun ne’e eziste laiha orsamentu ne’ebe aloka direitamente ba komisaun ne’e, maibe ho apoiu  Governu liu  husi orsamentu Ministeriu Saude,  hodi  hamoris  hela  aktividades komisaun nia to’o tinan 2013.

Entretantu, haree ba kazu HIV-SIDA ne’ebe iha tendensia aumenta bei-beik kada tinan, Governu Timor Leste liu husi Konselhu Ministru aprova dekreitu lei no. 13/2013, 27 Novembru hodi legaliza komisaun ne’e ho naran Comissão Nacional de Combate Ao HIV/SIDA de Timor Leste (CNCS-TL), ho objektivu atu kordena aktividades multi sektorais hodi luta kontra transmisaun virus HIV iha Timor Leste.

CNCS-TL nu’udar orgaun autónoma estadu nian ne’ebe nia ezisténsia para halo konsultasaun no koordenasaun multi-sektorial hodi responde ba implementasaun estratejia Nasional ba Kombate HIV-SIDA.

Tuir dekreitu Lei No. 13 / 2013. 27 de Novembro, iha Artigo 2.o  ne’ebe defini kona ba Visaun no Artigo 3o kona ba Misaun Komisaun nian.

Visaun :

Visaun CNCS- TL maka nu’udar faktor determinante  no muda ka hapara propagasaun (penyebaran) virus HIV, suporta ema sira ne’ebe afetadu ho HIV-SIDA, fo kontribuisaun ne’ebe signifikativu para hadia kualidade moris nian no hamenus problema sosiais husi epidemia ida ne’e.

Misaun

CNCS-TL ninia Misaun maka, koordena, fasilita, halo monitorizasaun, no avalia  multi-sektoriais ninia resposta ba kombate HIV-SIDA iha Timor Leste.

Tuir  Estatutu, CNCS-TL iha orgaun rua.

  1. Konsellu Nasional, Comissão Nacional de Combate Ao HIV/SIDA de Timor Leste
  2. Sekretariadu Ezekutivu, Comissão Nacional de Combate Ao HIV/SIDA de Timor Leste, ne’ebe diriji direitamente husi Sekretariu Ekzekutivu no apoiu husi vogal nain 4  hodi  ezekuta  mandatu servisu   tuir  dekretu  lei no estatutu CNCS-TL

Organograma CNCS-TL

 

0 Comments

Leave a Comment

Login

Welcome! Login in to your account

Remember me Lost your password?

Lost Password