CNCS-TL Hala’o Inkontru Koperasaun Ho Embassador Australia, Mr. Peter Roberts OAM

CNCS-TL News –  Sekretariu Ezekutivu Comissão Nasional Combate ao HIV-SIDA de Timor Leste (CNCS-TL), Rev. Daniel Marçal ho komitiva hala’o inkontru koperasaun ho Embassador Australia ba Timor Leste, Mr. Peter Roberts OAM, iha Embassada Australia Fatuhada Dili, 11 Setembru 2018 foin lalais ne’e.

Objektivu husi inkontru ne’e aliende atu aprezenta ba Embassador ne’e kona ba situasaun geral HIV-SIDA iha Timor Leste no mos atu koalia kona ba koperasaun servisu iha area prevensaun HIV-SIDA iha futuru.

Rev. Daniel Marçal hateten Australia nudar nasaun viziñu ho Timor Leste, movimentu ema tama sai ba mai iha nasaun rua ne’e sei aumenta ba bebeik iha futuru, tamba ne’e liu husi inkontru ida ne’e atu haree liu ba koperasaun servisu iha programa prevensaun HIV-SIDA.

“Ita tenke proteze sosiedade rai rua ne’e husi transmisaun HIV, tamba ema Timor ba Australia mos barak, ema Australia mos mai Timor barak”, katak Sekretariu Ezekutivi ne’e

Nia hatutan programa koperasaun servisu no programa sensiblizasaun presiza hahuu agora, atu nune’e bele redus ona osan ba tratamentu ka kurativu iha futuru.

Entretantu liu husi inkontru refere, Embassador Australia mos aseita ho planu servisu husi komisaun nian, tamba konsidera problema HIV-SIDA laos deit problema ema ida ka nasaun ida nian deit, maibe hanesan problema komum, tamba ne’e presiza servisu hamutuk iha futuru hodi bele proteze sidadaun nasaun rua husi HIV-SIDA.  (Media CNCS-TL)

0 Comments

Leave a Comment

Login

Welcome! Login in to your account

Remember me Lost your password?

Lost Password