Lian Amo Bispo Diocese Dili Ba Komunidade LGBTI

CNCS-TL News – Hatan perguntas husi jornalista sira kona ba pozisaun Uma Kreida nian ba komunidade LGBTI (Lésbika, Gay, Biseksual, tranzjeneru no interseksu), Bispo Diocese Dili, Dom Virgilio da Silva do Carmo, SDB husu atu respeita liberdade moris ema hotu nian inklui mos komunidade LBGTI sira.

Amo Bispo dehan ida ne’e ba jornalista sira iha nia kna’ar fatin Paço Episcopal Lecidere Dili (31 de Julho 2018), hafoin hala’o inkontru ofisial ida ho Sekretariu Ezekutivu Komisaun Nasional Kombate HIV-SIDA, Rev. Daniel Maçal ho nia komitiva.

Nia dehan ita nia nasaun hanesan nasaun demokratiku ida, tan ne’e ema hotu iha liberdade atu moris, liberdade atu koalia, liberdade atu halo aktividade saida deit, ho ida ne’e Uma Kreida husu atu respeita ida ne’e.

Dom Virgilio salienta liu tan katak ema hotu hanesan iha Maromak nia haree tamba ita ema nudar kriatura Maromak nian, tamba ne’e respeita malu ba.

Kona ba orientasaun seksual, Amo Bispo Diocese Dili ne’e haktuir katak hahuu uluk kedan Uma Kreida nia pozisaun kona ba forma familia ne’e so entre mane ho feto deit, laiha mane ho mane no feto ho feto.

Tan ne’e Dom Virgilio dehan Uma Kreida respeita komunidade LGBTI nia liberdade moris, hanoin no aktividade sira, maibe ladun fo apoiu ba sira nia orientasaun seksual. (Media CNCS-TL)

 

0 Comments

Leave a Comment

Login

Welcome! Login in to your account

Remember me Lost your password?

Lost Password