CNCS-TL Realiza Kampaña HIV-SIDA iha Eskola Hospitalidade & Turizmu Becora

CNCS-TL News –  Comissão Nacional de Combate ao HIV-SIDA de Timor – Leste  (CNCS-TL)  realiza kampaña HIV-SIDA iha Eskola Sekundariu Tekniku Vokasional Hospitalidade & Turizmu hodi fahe informasaun jeral kona ba HIV-SIDA.

Objektivu prinsipal husi kampaña ida ne’e atu hasa’e kuñesimentu estudante sira nian kona ba HIV-SIDA, atu nune estudante sira bele kompriende informasaun HIV- SIDA no oinsa bele hadok a’an no kontribui hodi redus transmisaun virus HIV iha Timor Leste.

“ita lakoi estudante sira atu moras tamba virus HIV”, hateten Sekretariu Ezekutivu CNCS-TL, Rev. Daniel Marçal ba jornalista sira, bainhira husu kona ba objektivu husi kampaña ne’e (Becora, 6/7/18)

Rev. Daniel Marçal ba estudante sira hateten atu hadok’an husi transmisaun HIV no lakoi sai vitima ba HIV, tenke muda no hapara ona hahalok risku sira ne’ebe bele transmite HIV.

“Seidauk to’o tempu atu halo relasaun seksual, diak liu lalika koko”, dehan Sekretariu Ezekutivu ne’e

Nia realza tan katak nudar estudante no joventude ne’ebe konsidera hanesan futuru nasaun nia, tenke kuidadu a’an husi HIV tanba HIV ameiasa ema nia futuru.

La bele hanoin lalais atu sai fen ka laen, maibe importante liu estudu hodi hetan futuru ida ne’ebe diak”, Nia sujere

Iha fatin hanesan Charles Guterres nudar Diretor iha eskola ne’e agradese ba inisiativa CNCS-TL ne’ebe iha vontade tomak atu desemina informasaun HIV-SIDA ba estudante sira.

Nia espera ho informasaun hirak ne’e bele iha benefisiu bot ba estudante sira iha futuru.

Diretor ne’e husu programa sensiblizasaun refere tenke hala’o bebeik iha futuru, tamba atu muda ema nia hahalok ne’e presiza koalia bebeik. (Media CNCS-TL)

0 Comments

Leave a Comment

Login

Welcome! Login in to your account

Remember me Lost your password?

Lost Password