CNCS-TL SOSIALIZA INFORMASAUN HIV-SIDA BA JUVENTUDE & KOMUNIDADE AU HUN

CNCS-TL News – Komisaun Nasional Kombate HIV-SIDA Timor Leste servisu hamutuk ho Autoridade Lokal Suco Becora hodi organiza seminariu sensiblizasaun informasaun HIV-SIDA ba juventude no komunidade Aldeia Au Hun nebe partensia iha Suco refere.

Ba partisipante sira Directór PMA e Rucurso Humano Komisaun Nasional Kombate HIV-SIDA Timor Leste, Venâncio Coelho hateten programa sosializasaun ida ne’e hala’o tamba iha kordenasaun servisu ho autoridade lokal Suco Becora ho objektivu atu hasa’e kuinhesimentu juventude no komunidade kona ba informasaun HIV-SIDA.

Nia husu ba juventude sira atu kuidadu ho transmisaun virus ne’e, tamba HIV-SIDA bele estraga ema nia saúde no futuru.

Venâncio hatutan tan HIV-SIDA konsidera hanesan moras ida nebe perigu ba ema nia saúde tamba seidauk iha aimoruk hodi halo tratamentu final.

Dala barak ema koalia ho aimoruk tradisional bele kura moras ne’e, maibe tuir Venâncio katak   des de Nia parte involve an iha programa ne’e seidauk haree maluk vitima HIV-SIDA balun maka diak ona tamba ho kura deit husi aimoruk tradisional ruma.

Husi kestaun ne’e, maka Nia husu tan ba partisipante sira atu buka hatene informasaun klean hodi halo prevensaun ba ema ida idak nia an.

Directór ne’e mos esplika laos tamba iha nasaun bot bot sira koalia kona ba HIV-SIDA no iha Timor Leste Komisaun mos hakarak koalia kona ba ida ne’e, maibe iha ona realidade iha Timor Leste iha ona maluk timor oan balun maka sai ona vitima e sofre ona ho HIV-SIDA.

  “Dala barak ita koalia kona ba HIV-SIDA, ema balun konsidera ne’e hanesan moras estranjeiru sira nian, maibe sofre ona ho virus ne’e foin basa ren tos”, tenik Coelho

Iha fatin hanesan Chefe do Suco Becora, Antonio da Silva Soares konsidera programa sensiblizasaun ne’e inportante tebes hodi bele salva joven Au Hun husi virus HIV.

Haree ba relatoriu dadus HIV-SIDA agora dadaun sa’e makas tebes iha ita nia rain, Nia sente katak ho involvimentu husi parte autoridade lokal iha programa prevensaun para bele salva ida idak nia komunidade sira husi HIV-SIDA.

Chefe do Suco ne’e mos husu programa sensblizasaun hanesan prezisa alerta too iha baze, liu liu iha areia ruarais. (Media CNCS-TL)

0 Comments

Leave a Comment

Login

Welcome! Login in to your account

Remember me Lost your password?

Lost Password