ESP Nicolau Lobato Loron Ida Laiha Aulas Tamba Rona Informasaun HIV-SIDA

CNCS-TL News – Ensino Sekundaria Publiku (ESP) Nicolau Lobato durante loron ida laiha aulas aprendizajen tamba rona informasaun HIV-SIDA nebe hato’o husi Komisaun Nasional Kombate HIV-SIDA Timor Leste.

Iha kam­paña so­s i a l i z a s a u n H I V- S I D A nebe hala’o iha 25 Abril 2018 ne’e, atu hasa’e kuiñesimentu estudantes nian hodi hadok an husi ransu livre, seksu livre no transmisaun HIV nebe sei afeita ba futuru estu­dantes no futuru dezenvolvimentu Nasaun nian.

Ba estudantes  Sekretariu Ezekutivu CNCS-TL, Rev. Daniel Marçal husu atu labele inklui an iha hahalok ransu livre no seksu livre para labele afeita ba futuru aprendizajen nian.

Nia dehan estudante sira nebe involve an sedu iha ransu livre no seksu livre ikus mai tenke para eskola tamba isin rua sedu, kaben sedu e balun mos soe oan tamba la iha responzabilidade e tamba tauk inan aman no moe ba falimia sira.

“Eskola tenke to’o remata, lalika para deit iha dalan klar­an tamba isin rua ou sai vitima husi ransu livre no seksu livre”, Marçal fo atensaun ba estudante sira

Sekretariu Ekzekutivu ne’e ba estudante sira esplika katak ka­ben ne’e parte prinsipal ida husi moris, maibe tempu ne’e mak tenke determina tuir lolos, prontu ona ou seidauk.

Rev. Daniel Marçal hatutan nu­dar estudante ten­ke iha visaun diak ba futuru, aprende lisaun sira nebe bele dezenvolve kapasidade in­telektual nian hodi kontribui ba prose­su dezenvolvimen­tu Nasaun nian.

Iha fatin hanesan Adjuntu Diretór Eskola Nicolau Lobato, Xabino Ernesto orgulhu tebes ho programa sensiblizasaun ne’e hodi fo kuinhesimentu estudante sira nian kona ba informasaun tamba  HIV-SIDA nebe estraga fututru estudante sira nia.

Nia mos husu ba Ministeriu relevante sira atu hatama informasaun HIV-SIDA iha kurríkulu eskola hanesan materia moral atu hadok estudante sira husi risku. (Media CNCS-TL)

0 Comments

Leave a Comment

Login

Welcome! Login in to your account

Remember me Lost your password?

Lost Password