CNCS-TL – MdS Fahe Informasaun HIV-SIDA ba Universitariu ISC

CNCS-TL News –  Komisaun Nasional Kombate HIV-SIDA Timor Leste servisu hamutuk ho Ministerio de Saúde liu husi Unidade Nasional Programa HIV-SIDA organiza seminariu sensiblizasaun durante loron balun iha loron 24 Abril 2018 hodi fahe informasaun HIV-SIDA ba universitariu husi Instituto Superior de Cristal (ISC).

Sekretariu Ezekutivu CNCS-TL, Rev. Daniel Marçal hateten programa sensiblizasaun ne’e hanesan estratejia ida husi Komisaun ho Ministeriu de Saúde oinsa atu atrai partisipasaun nasional ema hotu nia iha programa prevensaun HIV-SIDA iha ita nia rain.

Tamba dala barak koalia kona ba problema HIV-SIDA, ema sempre hanoin katak ne’e problema Ministeriu da Saúde no Komisaun nia problema.

Marçal hatutan Ministeriu ho Komisaun iha papel importante ida maka halo sosializasaun informasaun oinsa atu prevene ema atu transmite virus HIV maibe atu prevensaun ida mais efetivu liu maka ema ida idak tenke iha konsensia rasik”,

Rev. Daniel Marçal husu partisipante sira atu hadok an husi hahalok inmoral balun hanesan involve an iha ransu livre no seksu livre hodi bele redus dezenvolvimentu HIV-SIDA iha ita nia rain.

“Se ita koalia kona ba hahalok hirak ne’e laos ona Komisaun ho Ministeriu nia responzabilidade deit, maibe papel inan ho aman no religioza sira mos importante tebes iha kestaun ne’e”, katak Okluista

Tamba problema HIV-SIDA laos deit problema saúde maibe hanesan mos problema moral tan ne’e ho involvimentu seitor hotu importante tebes atu halakon kestaun hirak ne’e.

Iha fatin hanesan Vice Ministriu de Saúde, Dr. Luis Lobato hateten rezolve problema HIV-SIDA laos deit Ministeriu ka Komisaun maibe komponente hotu nia involvimentu importante tebes iha problema ida ne’e inklui estudantes ISC.

“Ita ida idak kuidadu an husi HIV-SIDA, problema ne’e sei la bot tan iha paiz ida ne’e, maibe konsensia prevensaun ema nian laiha maka defisil atu kontrola transmisaun virus ne’e”, katak Vice Ministro ne’e

Nia hateten programa sensiblizasaun ne’e sei alerta to’o iha baze para bele redus tranamisaun virus ne’e iha paiz ne’e. (Media CNCS-TL)

 

 

0 Comments

Leave a Comment

Login

Welcome! Login in to your account

Remember me Lost your password?

Lost Password