CNCS-TL Fo Atensaun Ba Estudantes São José Operario Kona ba Perigu HIV-SIDA

CNCS-TL News – Tamba interese ba futuru jerasaun ne’ebe hanesan mos rin ba dezenvolvimentu nasaun doben ida ne’e, Komisaun Nasional Kombate HIV-SIDA fo atensaun ba estudantes husi Escola Secundario São José Operario ho impaktu husi transmisaun virus HIV.

Iha kampaña sosializasaun ne’ebe hala’o iha loron 27 Fevereiru 2018 ne’e ba estudante sira, Sekretariu Ekzekutivu Rev. Daniel Marçal hateten potensia husi estudante sira sei la bele dezenvolve ho diak iha futuru, wain­hira hada’et ona virus HIV.

Tamba ne’e, Marçal afirma atu HIV-SIDA labele hamate potensia husi estudante sira nian, maka hahu ohin tenke kuidadu no hadok an husi hahalok risku sira ne’ebe bele transmite HIV.

“HIV-SIDA ne’e kauza husi ema nia hahalok ne’ebe gosta involve iha hahalok risku sira hanesan ransu livre no seksu livre”, Nia haktuir

Marçal hatutan ho kampanha sosializasaun ne’ebe hala’o durante loron ida ne’e atu prepa­ra estudante sira ho informasaun HIV-SIDA ne’ebe klean, nune’e sira bele moris saudavel iha futuru.

Entretantu marka mos prezensa iha kampanha ne’e husi Vocal Point Unidade Nasional HIV-SIDA Ministeriu da Saúde hodi koalia papel Ministeriu nian iha programa HIV-SIDA no mos Directór Komisaun Nasional Kombate HIV-SIDA, Venâncio Coelho hanesan orador hodi koalia ba estudante sira kona ba informasaun basiku HIV-SIDA nian. (Media CNCS-TL)

0 Comments

Leave a Comment

Login

Welcome! Login in to your account

Remember me Lost your password?

Lost Password