CNCS-TL Observa Festival Tattoo

CNCS-TL News – Komisaun Nasional Kombate HIV-SIDA, iha Sabado semana kotuk (20 Janeiru 2018), direitamente observa aktividade kona ba festival tattoo ne’ebe organiza husi Dili Arte Klandestina, iha Edifisiu Sekretario Estado Desporto no Promosaun Alta Competisaun, Grencerfor – Bidau.

Iha biban ne’e, Komisaun mos hala’o passa revista ba kada stand hodi observa direita material tattoo hirak ne’ebe artisita tattoo sira uza hanesan makina, daun, tinta no sasan tattoo seluk iha duni kondisaun ne’ebe esteril, higieni no saudavel duni ka lae hodi bele garantia kleinte sira nia saude.

Iha diskursu abertura Direktor Planeamento, Monitorizasaun e Avaliasaun no Rekursu Humano, Komisaun Nasional Kombate HIV-SIDA, Venâncio Coelho agradese ba Dili Arte Klandestina ne’ebe iha inisiativa diak atu konvida Komisaun hodi fahe informasaun transmisaun HIV no moras daet sira seluk ne’ebe iha relasaun ho aktividade tattoo.

Coelho esplika tan katak laos aktividade tattoo hotu atu fo daet virus HIV maibe iha situasaun balun deit maka bele halo daet HIV hanesan uza hamutuk material tattoo sira hanesan daun no tinta.

Direktor ne’e husu ba artista tattoo sira tenke garantia duni material tattoo ida ba ema ida duni hodi labele fo risku HIV-SIDA ba ema seluk.

Nia hatutan Komisaun mos iha ona planu atu konvoka inkontru ida ho agency sira ne’ebe halo aktividade tattoo hodi koalia klean liu kona ba koperasaun iha area prevensaun HIV-SIDA.

Entretantu observasaun Media CNCS-TL iha Festival Tattoo ne’e hetan duni partisipasaun masimu husi agency tattoo sira, kliente no mos partispa husi Merrie Stopes Internasional hodi halo teste ran ba HIV no moras hadaet husi relasuan seksual seluk. (Media CNCS-TL)

  

0 Comments

Leave a Comment

Login

Welcome! Login in to your account

Remember me Lost your password?

Lost Password