Informasaun HIV-SIDA Sei Publika Liu Husi Revista Lafaek

CNCS-TL News – Sekretariu Ezekutivu Komisaun Nasional Kombate HIV-SIDA, Rev. Daniel Marçal  ohin hala’o inkontru servisu ida ho representante husi Care Internasional hodi koalia liu kona ba koperasaun servisu entre parte rua iha programa deseminasaun informasaun HIV-SIDA.

Liu husi inkontru ne’ebe ohin hala’o iha Salaun inkontru Komisaun Nasional Kombate HIV-SIDA – Luromata ne’e (18 Janeiru 2018 ), parte rua deside ona iha futuru sei sosializa informasaun HIV-SIDA ba publiku liu husi publikasaun Revista Lafaek.

Programa Koodinator (Edukasaun) Care Internasional, Shoaib Danish hateten iha etapa primeiru informasaun HIV-SIDA husi parte Care Internasional iha ona targetu atu publika iha Revista Lafaek liu husi kontiudu rua hanesan revista lafeaek ne’ebe tarjeitu ba familia ka ba uma kain Timor no ida seluk publika iha revista lafaek ho nia tarjeitu ba professor sira.

Entretantu Sekretariu Ezekutivu, Rev. Daniel Marçal iha biban ne’e agradese ba inisitiva husi Care Internasional nian tamba ho koperasaun servisu ida ne’e importante tebes hodi desemina informasaun HIV-SIDA ba publiku ho diak liu tan. (Media CNCS-TL)

 

 

0 Comments

Leave a Comment

Login

Welcome! Login in to your account

Remember me Lost your password?

Lost Password