Joven Le-Zeival Labele Halo Relasaun Seksual, Kuandu Foin Namora

CNCS-TL News Sekretariu Ezekutivu Komisaun Nasional Kombate HIV-SIDA, Rev. Daniel Maçal hateten ba joven no estudante sira ne’ebe hamahon an iha Grupu Dansa Kultura Le-Zeival atu labele halo lai relasaun seksual, kuandu sei namora hela.

Nia dehan lia hirak ne’e bainhira abertura seminariu sensiblizasaun HIV-SIDA ne’ebe organiza husi Komisaun Nasional Kombate HIV-SIDA ba Grupo Dansa Kultura Le-Zeival, Bidau Lecidere, ohin 19 Dezembru 2017.

Marçal hatutan oras ne’e dadaun iha kasu tara an no soe oan iha dalan ninin tamba kausa husi relasaun seksual ne’ebe hala’o la ho responsabilidade.

“Hanesan joven imi seidauk hatene risku husi relasuan seksual, tamba bele lori  risku ba imi nia vida no futuru”, katak Rev. Daniel Marçal

Samuel Lopes nu’udar partisipante kestiona kona ba politika Governu oinsa atu kontrola joven sira ne’ebe foin namora maibe rei malu husi ibun ho ibun liu liu iha fatin publiku sira, tamba tuir Joven ne’e karik transmisaun HIV bele hada’et husi rei malu, entaun bele transmite ona virus HIV ba joven barak.

Hatan ba ida ne’e, Sekretariu Ezekutivu CNCS-TL hateten rei malu la transmite HIV, maibe tenke kuidadu ho rei malu tamba bele lori imi ba tentativu relasaun seksual lalais.

“Relasuan seksual ne’ebe hala’o husi joven sira, tamba provoka husi rei malu ibun ho ibun, ikus mai monu ba sala”, dehan Marçal ba joven sira atu kuidadu an ho rei malu husi ibun ho ibun.  (Media CNCS-TL)

 

0 Comments

Leave a Comment

Login

Welcome! Login in to your account

Remember me Lost your password?

Lost Password