Eskola KARAXAGO Husu Governu Kontrola Situs Pornografia

CNCS-TL News – Hare ba problema transmisaun HIV ne’ebe sempre aumenta kada tinan iha ita nia rain, Januario Tabena nu’udar Mestri iha Eskola Tecnico Agricola KARAXAGO Região Espesial Administrativu Oe-Cusse Ambeno (REAOA), husu ba Governu atu kontrola situs pornografia sira ne’ebe espailha ona iha rai doben Timor Leste.

“Media sosial mós nu’udar potensial ida ba transmisaun HIV”, dehan Tabena ba CNCS-TL bainhira hala’o kampaña sosliazasaun HIV-SIDA iha Eskola refere, 11 de Abril 2016.

Tabena haktuir ho situs pornografia sira ne’ebe espailha, iha potensia bo’ot atu estraga foinsa’e sira nia hanoin no fó motivasaun ba foinsa’e sira atu koko halo relasaun seksual sedu maske seidauk kaben.

Hatan ba assuntu ne’e Sekretariu Ezekutivu CNCS-TL, Rev.Daniel Marçal hateten komisaun iha ona kordenasaun ho parte relevante sira atu diskute kona-ba situs pornografia ne’ebe livremente espailha ona iha Timor Leste.

“Ami koalia hela oinsa atu kontrola internet ne’ebe Gorvernu monta iha fatin públiku sira iha Dili hanesan Largo Lecidere no Jardim 5 de Maio Colmera”, haktuir Rev.Daniel Marçal

Directóra Eskola Tecnico Agricola KARAXAGO, José Quine husu ba estudante sira atu kuidadu ho transmisaun virus HIV, tamba bele estraga saúde no futuru estudantes nian.

João da Silva nu’udar estudantes sente orgolhu ho sosializasaun informasaun refere, tamba meus ida atu halo prevensaun ba transmisaun virus HIV iha futuru.

Entretantu abertura programa sosializasaun ne’e hala’o direita husi Sekretaria Região Assuntu Saúde Zona Espesial Ekonomia Sosio no Merkadu (ZEESM), Lusia Taeki.  (Media CNCS-TL)

0 Comments

Leave a Comment

Login

Welcome! Login in to your account

Remember me Lost your password?

Lost Password