CNCS-TL Kopera Ho Autoridade ZEESM, Antes Sosializa Informasaun HIV-SIDA

CNCS-TL News –  Antes CNCS-TL atu hala’o kampaña sosializasaun HIV-SIDA ba estudantes, joventude no funsionariu sira iha Região Espesial Administrativu Oe-Cusse Ambeno (REAOA), Sekretariu Ezekutivu CNCS-TL, Rev. Daniel Marçal ho komitiva hala’o uluk inkontru kordenasaun ho Autoridade lokal sira iha Zona Espesial Ekonomia Sosio no Merkadu (ZEESM), hodi informa kona-ba aktividade sosializasaun informasaun HIV-SIDA durante semana rua iha Região Autonomo ne’e.

Inkontru kordenasaun ne’ebe hala’o iha loron 11 de Abril 2016 ne’e, ho Autoridade Lokal ZEESM sira hanesan Sekretaria Região Assuntu Saúde, Lusia Taeki no Sekretario Região Assuntu Edukasaun no Solidaridade Sosial, Arsenio Bano.

“Ita nia Autoridade ZEESM sira mós preokupa ho problema HIV-SIDA, sira sei fo apoia ba aktividade ne’ebe komisaun sei hala’o iha região ne’e ”, katak Rev. Daniel Marçal hafoin hala’o inkontru ho Autoridade Lokal ZEESM nian

Lusia Taeki mós informa katak prezensa CNCS-TL iha REAOA importante tebes tamba bele fahe informasaun HIV-SIDA ba estudantes no funsionarius sira.

“Hanesan Oe-Cusse oan lakoi HIV-SIDA atu estraga futuru dezenvolvimentu iha região ida ne’e”, katak Sekretaria ne’e

Nune mós Arsenio Bano agradese ba prezensa CNCS-TL iha REAOA, tamba ho informasaun bele prevene foinsa’e sira iha Região Oe-Cusse husi transmisaun virus HIV. (Media CNCS-TL)

0 Comments

Leave a Comment

Login

Welcome! Login in to your account

Remember me Lost your password?

Lost Password