Seksu Livre, Bele Halo Daet HIV

CNCS-TL News – “Seksu livre bele halo daet HIV”, ida ne’e maka mensagen husi Sekretariu Ezekutivu Komisaun Nasional Kombate HIV-SIDA, Rev. Daniel Maçal ba Juventude no Komunidade Aldeia Mota Ulun, bainhira Komisaun hala’o seminariu sensiblizasaun informasaun HIV-SIDA iha aldeia ne’e.

Ba partisipante sira ne’ebe maioria joven, Rev. Daniel Maçal husu labele ansi halo relasuan seksual, tamba iha risku atu hadaet virus HIV no mos bele estraga futuru.

“Halo relasaun seksual ne’e fasil, maibe kuandu kona HIV ne’e sai problema boot tamba HIV seidauk iha aimoruk atu kura”, dehan oklulista ne’e ba partisipante sira

Entretantu durante loron ida Juventude no Komunidade Aldeia Mota Ulun Suku Becora Munisipiu Dili, halibur an hamutuk iha Sede Aldeia hodi rona informasaun HIV-SIDA ne’ebe hato’o husi orador sira.

Liu husi seminariu sensiblizasaun ne’e, desemina mos ba partisipante sira ho informasaun seluk ne’ebe relevante ho prevensaun korupsaun husi Parlamentu Nasional liu husi ezistensia GOPAC Capitlu Timor Leste.

Aktividade sensiblizasaun ne’e hala’o iha Sede Aldeia Mota Ulun, 23 Novembru 2017. (Media CNCS-TL)

0 Comments

Leave a Comment

Login

Welcome! Login in to your account

Remember me Lost your password?

Lost Password